Biz turaqtylyqty tańdaımyz – Olımpıada chempıony Olga Rypakova

ÓSKEMEN. QazAqparat – Olımpıada chempıony Olga Rypakova saılaýda daýys berdi, dep habarlaıdy QazAqparat tilshisi.

Ataqty sportshy Óskemen qalasynyń №47 mektebindegi saılaý ýchaskesine baryp, óz tańdaýyn jasady. Sondaı-aq Olga Rypakovanyń 18 jasqa tolǵan qyzy Anastasııa qazir Túrkııada sporttyq jıyndarda bolǵanyna qaramastan, sol jerden daýys berip, ómirindegi alǵashqy saılaýǵa qatysyp otyr.

«Qazir álemde túrli jaǵdaılar bolyp jatyr. Sondyqtan elimiz úshin osyndaı tarıhı kúnde belsendi azamattyq ustanym tanytyp, daýys berý óte mańyzdy. Biz turaqtylyqty, ekonomıkanyń jaqsarýyn jáne azamattardyń ál-aýqatynyń artýyn tańdaımyz», - dedi Olımpıada chempıony.

Eske salsaq, osyǵan deıin ShQO-da jas jubaılar nekelerin qıdyrǵan soń birden saılaýda daýys bergenin habarlaǵan edik.