Biz saılaýdyń demokratııalyq, jalpyǵa tanymal halyqaralyq qaǵıdattarǵa sáıkes ótýine umtylamyz - M.Sársembaev

ASTANA.QazAqparat - Búgin QR Ortalyq saılaý komıssııasynyń múshesi Marat Sársembaev Ulybrıtanııa men Soltústik Irlandııa Birikken Koroldiginiń halyqaralyq baıqaýshylar delegatsııasymen - Korol advokaty, Ulybrıtanııa men Soltústik Irlandııa Qurama Koroldiginiń Joǵarǵy soty sýdıasynyń ákimshilik isteri jónindegi orynbasary Djeıms Tomas Levıspen jáne «Integrative Media LLP» bas atqarýshy dırektory Alan Djons Spenspen kezdesti.

Kezdesý barysynda Ortalyq saılaý komıssııasy múshesi Levıs myrzamen QR OSK men Parlament Májilisiniń depýtattaryn saılaýdy baıqaý jónindegi sheteldik mıssııalardyń ózara is-áreketteriniń máseleleri jóninde, halyqaralyq baıqaýshylardyń quqyqtary men mindetteri týraly, sheteldegi Qazaqstan azamattarynyń daýys berý tártibi, daýys berýdi uıymdastyrý rásimderi týraly pikir almasty.

M. Sársembaev baıqaýshylardyń saılaý naýqanynyń barysy týraly qajetti aqparatty alatynyn atap kórsetti.

«Ortalyq saılaý komıssııasy men baıqaýshylardyń múddeleri uqsas. Biz saılaýdyń ashyq jáne demokratııalyq saılaýdyń jalpyǵa tanymal halyqaralyq qaǵıdattaryna sáıkes ótýine umtylamyz», - dep atap ótti M. Sársembaev.