Biz ómir súrip jatqan ǵalam 2 mlrd jylǵa jas bolýy múmkin – zertteý

NUR-SULTAN. QazAqparat - Jańa zertteýler boıynsha, biz ómir súrip jatqan álem ne ǵalam birneshe mıllıon jylǵa jas bolýy múmkin, dep habarlaıdy phys.org.

Ǵalamnyń shyn jasyn anyqtaý ońaıǵa soqpasy anyq. «Galaktıkadaǵy juldyzdardyń jyljýyna qatysty kóptegen saýaldardyń jaýaby naqty emes» deıdi Germanııadaǵy Maks Plank ýnıversıtetiniń ǵalymy In Djı.

Science jýrnalyna shyqqan zertteýde ǵalymdar Ǵalamnyń jasyn juldyzdardyń jyljý jyldamdyǵyna baılanysty eseptegen. «Eger bizdi qorshaǵan álem tezirek keńeıse, onda ol qazirgi ólshemine jyldam qol jetkizdi, demek jasy da áldeqaıda kishirek» deıdi zertteýshiler.

«Keńeıý jyldamdyǵy» kosmologııadaǵy eń mańyzdy zertteý elementteriniń biri bolyp sanalady.

Habbl 70 turaqtylyǵy boıynsha, Ǵalamnyń jalpyǵa belgili jasy - 13,7 mıllıardta.

Al ǵalym Djıdiń komandasy Habbl turaqtylyǵy 82,4 degen sheshimge keldi, demek Ǵalamnyń jasy 11,4 mıllıard shamasynda.

Djı zertteý barysynda gravıtatsııalyq lınzalardy qoldanǵan, ıaǵnı, gravıtatsııa jaryqty azaıtyp, alys obektilerdi jaqyndatady. Djıdiń bul jańa tásili sońǵy jyldardaǵy zertteýlerdiń qorytyndysyn joqqa shyǵaryp tur.

Garvard astronomy Avı Leb bul zertteýge syrttaı baǵa berdi. Onyń aıtýynsha, Ǵalamnyń jyldamdyǵy men jasyn esepteýde Djıdiń qoldanǵan tásili ońtaıly.

«...Biraq qosymsha dálelderdi jınamaı turyp, qatelikter ketýi múmkin» dedi Leb.