Biz kórshilerdi aýystyra almaımyz – Prezıdent Qytaımen yntymaqtastyq týraly

NUR-SULTAN. QazAqparat – Memleket basshysy Qasym-Jomart Toqaev «Habar» jáne «Habar 24» telearnalaryna bergen suhbatynda Qazaqstan men Qytaıdyń yntymaqtastyǵy jóninde pikir bildirdi, dep habarlaıdy QazAqparat.

«Qytaıǵa keletin bolsaq, bul bizdiń eń jaqyn kórshimiz, Qudaı qosqan kórshi deýge bolady. Biz kórshilerimizdi aýystyra almaımyz. Ekinshiden, Qytaı óziniń ekonomıkalyq damýynda tabystarǵa jetti. Olarmen yntymaqtasýymyz kerek. Bizdegi aýylsharýashylyq taýaryn óndirýshiler Qytaı naryǵyna úlken úmit artady. Qytaıǵa qarsy narazylyqtardy uıymdastyratyn adamdar bizdiń ekonomıkalyq jaǵdaıymyzdy asa túsinbeýi múmkin. Bálkim olarǵa aqsha da tólenetin shyǵar. Qalaı bolǵanda da, Qytaı bizge esh jamandyq jasaǵan joq», - dedi Qasym-Jomart Toqaev.

Prezıdenttiń aıtýynsha, ótken jyldyń 11 aıynda eki memleket arasyndaǵy saýda kólemi 17 mlrd dollarǵa jetken.

«Biz odan ári de damýǵa múddelimiz. Bizge Qytaıdy zertteý kerek, qytaı tilin úırený kerek. Árıne, qos qolymyzdy kóterip, berilý kerek dep jatqan joqpyn, onyń úlken el ekenin túsinip, yntymaqtastyq ornatýymyz kerek», - dedi Memleket basshysy.