Biz Qazaqstan halqynyń birligi kúnin bir otbasydaı merekeleýdemiz - ıAnnat Nızamýtdınova

ASTANA. QazAqparat - Astana qalasy «Doslyq» Tatar mádenı ortalyǵynyń ıAnnat Nızamýtdınova tatar dıasporasynyń atynan barsha qazaqstandyqtardy Birlik kúnimen quttyqtady.

«Qazaqstan halqynyń birligi kúni - keremet mereke. Jaqynda ǵana kezekten tys prezıdenttik saılaý aıaqtaldy, endi biz jarqyn merekemizdiń toıyn qarsy alýdamyz. Qazaqstannyń barlyq ulttary men etnostary beıbitshilikte, dostyqta, ózara súıispenshilikte turady. Biz bir úlken otbasyndaı, ózimizdiń tamasha elimizde tatý turyp jatyrmyz jáne bir otbasyndaı osy merekeni toılap otyrmyz», - dep atap ótti ol «QazAqparat» tilshisine bergen suhbatynda.

ıAnnvat Nızamýtdınovanyń sózi boıynsha, «Doslyq» ortalyǵy bul merekeni erteń de toılaıtyn bolady. «Astanadaǵy ózge etnomádenı birlestik músheleri shaqyrylyp, bir shańyraqtyń astynda, bir dastarhan basynda tatarlardyń ulttyq taǵamdarynan dám tatamyz», - deıdi ol.