Biz qazaq halqyna boryshtarmyz -Lıýdmıla Lı
«Qoǵamdyq kelisim» KMM dırektory Ýálıhan Ibraev, evreı etnomádenı birlestiginiń jetekshisi Lıýdmıla Lı, «Qazaqstan kárister qaýymdastyǵy» Qyzylorda oblystyq fılıaly jetekshisiniń orynbasarlary ıÝrıı Kım, Matveı Tsoı qazaq halqynyń yqylasy men darhan kóńiline rızashylyqtaryn bildire otyryp, Alǵys aıtý merekesimen quttyqtady.
«Alǵys aıtý merekesine 26 aqpannan 4 naýryzǵa deıin oblysta 500 shara ótip, 200 myńǵa jýyq adam qatysady dep kútilýde», - deıdi «Qoǵamdyq kelisim» KMM dırektory Ý.Serikuly.
Al, «Qazaqstan kárister qaýymdastyǵy» Qyzylorda oblystyq fılıaly jetekshisiniń orynbasary ıÝrıı Fedorovıch: «Qazaq halqynyń yqylasy men darhan kóńiliniń arqasynda bizdiń de kósegemiz kógerip, ósip-ónip jatyrmyz. Ótken ǵasyrdyń otyzynshy jyldary Qazaqstandy panalaǵan talaı etnostyń ókili sol bir zobalańdardan aman qalyp, búginde qanatyn keńge jaıdy. Káris halqy álimsaqtan óziniń eńbekqorlyǵymen, tabandylyǵymen tanylǵan jurt. Asharshylyq pen qýǵyn-súrginnen mıllıondaǵan qazaq qaza boldy. Alaıda osynaý qasiretpen qajymaı kúresip, qundy qasıetterin saqtaı bilgen ult ózgeniń balasyn da ózindeı kórdi. Biz káris etnosy qazaq jerinen ózimizge jaıly orta taptyq, osynda ósip-óndik. Ótken jyl Qazaqstandaǵy kárister úshin erekshe jyl boldy. Káristerdiń Qıyr Shyǵystan qazaq jerine kúshtep qonys aýdarylǵanyna 80 jyl toldy. Qarasha aıynda Syr elindegi káris dıasporasy osy aıtýly kúndi atap ótti. Osy oraıda, ózge emes, ózim dep qabyldaıtyn qazaq eline alǵys aıtamyz, - dedi.
Evreı etnomádenı birlestiginiń jetekshisi Lıýdmıla Lı óz kezeginde: «Jalpy ómir jolymdaǵy jetken jetistikterim úshin qazaq eline, onyń qonaqjaı halqyna basymdy ıip ótem. Qazaqstandy ózimniń Otanym, ósken jerim deı otyra, osy elge degen súıispenshiligimdi júregimniń tórinde máńgilikke saqtaımyn. Biz qazaq halqyna shynynda boryshtarmyz»,- dep jıyndy qorytyndylady.