Biz halqymyzdyń, elimizdiń bolashaǵyn oılaımyz - O.Súleımenov
«Jastar bolashaǵyn armandaıdy, bolashaǵyn oılaıdy. Menen birde: «Sizdiń jasyńyzdaǵy adamdar ne jaıynda oılaıdy?», dep suraǵan bolatyn. Sol kezdegi aıtqan jaýabymdy taǵy da bir márte qaıtalaǵym keledi. Biz óz halqymyzdyń bolashaǵyn, respýblıkamyzdyń bolashaǵyn, odan keıin adamzattyń bolashaǵyn oılaımyz. Mine, bul bizdiń bolashaq jaıyndaǵy paıymymyz», - dedi ol óziniń 80 jyldyq mereıtoıyna oraı L.Gýmılev atyndaǵy Eýrazııa ulttyq ýınversıtetinde ótip jatqan «Álem adamy» atty forým barysynda.
Ol ómirindegi eń mańyzdy dúnıe óziniń kitaptary bolyp tabylatyndyǵyn basa aıtty. Sonymen qatar peshenesine jazylǵan KSRO-nyń Semeı jáne Novozemelskıı ıadrolyq synaq polıgondaryn jabý isine atsalysýy da aıtýly oqıǵa dep sanaıtyndyǵyn bildirdi.
«Bul iske qarsy taraptyń eń iri kúshteri qatysqan bolatyn. Qorǵanys mınıstri ıAzovpen, áskerı-ónerkásip kesheni adamdarymen KSRO Joǵarǵy Keńesiniń depýtaty ári ıadrosyz álem parlamenttik tobynyń jetekshisi retinde sóılesýge týra keldi. Bizdiń tobymyzda 500-diń 150 daýysy boldy. Menińshe, sol kezdegi Joǵarǵy Keńeste bul barynsha belsendi top edi. Biz Joǵarǵy Keńestiń 1989 jyldyń qarashasynda KSRO Úkimetiniń tarabynan Semeı polıgonyn jabý týraly máseleni qarastyrýy týraly qaýlynyń shyǵýyna qol jetkizdik. Bul 1989 jyldyń 20 qarashasy edi. Bul biz este saqtaýǵa tıisti mańyzdy data», - dedi O.Súleımenov.