Biz eshkimge de táýeldi bolmaýymyz kerek» - respýblıkalyq basylymdarǵa sholý

ASTANA. 9 qarasha. QazAqparat - Qazaq aqparat agenttigi respýblıkalyq basylymdarda 9 qarasha juma kúni shyqqan ózekti materıaldarǵa sholýdy usynady.

***

Elimizde «Halyqtyq ІRO» baǵ­dar­la­masy boıynsha usy­nylatyn qoljetimdi aktsııalardy ha­lyq­qa satý úderisi bas­talyp ketti. Alǵashqy bolyp «QazTrans­Oıl» kompanııasy óz aktsııa­la­ryn alamyn degen ha­lyq­qa «Qaz­poshta» AQ bólim­she­leri ar­qyly satýdy júzege asyrýda. Osy jaıt arqaý bolǵan maqala el gazeti «Egemen Qazaqstanda» «Aktsııa alýshylar kóbeıip keledi» degen taqyryppen berilgen. Máselen, «Samuryq-Qa­zyna» UÁQ» AQ basqarma tóraǵasynyń orynbasary Qýan­dyq Bıshim­baev Aqmola oblysy Shortandy aýdandyq «Qazposhta» bólim­shesinde bolyp osy baǵyttaǵy jumystarmen tanysqan. «Resimdeýdiń jalpy ýaqyty 20 mınótten aspaıdy. Brokerlik shotty ashyp, atalǵan ýaqyt ishinde aktsııany satyp alýǵa bolady. Búkil respýblıka boıynsha eki kúnniń ishinde halyqtan 350 mıllıonnan astam teńgege ótinimder tústi. Osy yrǵaq saqtalsa, aıdyń sońyna deıin jaqsy nátıjege qol jetkizemiz dep oılaımyn», - depti ol.

 

«Egemen Qazaqstan» gazetiniń búgingi sanynda Parlament Májilisiniń depýtaty Ońalsyn Jumabekovtiń «Biz eshkimge de táýeldi bolmaýyz kerek» degen taqyryppen jaryq kórgen maqalasynda elimizdi janar-jaǵarmaımen qalaı qamtamasyz etý kerek, ımportqa táýekelden qalaı arylýǵa bolady degen saýaldarǵa jaýap izdelgen. «Munaı jáne gaz mınıstrligi­niń basshylyǵy Qytaıǵa óńdeý úshin munaı jetkizýdiń tollıngtik she­masy týraly máseleniń sheshilgendigi týraly aqparat berip otyr. Mundaı jaǵdaıda Qazaq­stan, birinshiden, suranshaqtyń kebin kıetin bolady; ekinshiden, janar-ja­ǵarmaı jetkizý máse­le­sin­de Reseıge táýeldi bola oty­ryp, ol ja­ǵynan Qytaıǵa da táýeldi bolady; úshinshiden, valıýta nemese sol munaıdyń ózimen kóp qosymsha shyǵyndar shyǵa­rady. «RomPetrol» óńdegen janar-jaǵarmaıdy ákelgen arzanǵa tús­peı me? Biz ózimizdi ózimiz tyǵy­ryqqa tirep otyrmyz, óıtkeni, janar-jaǵarmaıdy, ásirese, benzındi jáne avıakerosındi ımport­taǵannan basqa, tollıngke júgi­ný­ge májbúr bolýdamyz», - deıdi halyq qalaýlysy óz maqalasynda.

***

«Aıqyn» gazetiniń jazýynsha, sút beziniń ragy - onkologııalyq syrqattardyń ishinde kóp taralǵan túri. Elimizde sút bezi ragynyń aldyn alý maqsatynda 5 jyl buryn mammografııalyq skrınıng baǵdarlamasy engizilgen. Skrınıngtik tekserý eýropalyq standarttar boıynsha júrgizilmek. Osyǵan baılanysty Italııanyń jergilikti mamandarymen onkologııa jáne radıologııa salasynyń mamandary aldyn alý skrınıngtik zertteý biliktiligin arttyrý úshin sheberlik dáristerin ótkizýde. «Qaterli isikten qaýip kóp» degen taqyryppen berilgen maqalada sońǵy on jylda, elimizde onko­logııa­lyq syrqattar ishinde sút bezi ragy birinshi orynǵa shyqqandyǵy, júz myń adamnyń 20-dan astamynan osy syrqat belgisi tabylǵandyǵy jaıynda aıtylǵan.

***

Qazaqstan jankúıerleriniń eń súıikti sportshylarynyń birine aınalǵan tennısshi ıAroslava Shvedova óz jeńistermen qýantýyn jalǵastyra túsýde. Búginde bizdiń sportshy dáreje belgilenetin álemdik tizbede 28-shi orynǵa kóterildi. Ol mundaı jetistikterge qalaı jetti, aldaǵy jyly qandaı josparlar túzý ústinde ekendigin «Kazahstanskaıa pravda» gazetine bergen suhbatynda keńinen baıandaǵan. Ekeýara áńgime taqyryby - «ıAroslava Shvedova: Kazahstan - moı dom!».

***

Maksım Galkınnen aınymaıtyn óskemendik azamat Máskeýde ótken Krıstına Orbakaıteniń kontsertinde Alla Pýgachevamen júzdesipti. «Ekspress K» gazetiniń jazýynsha, ol óziniń Maksımge uqsastyǵymen Prımadonnany tań qaldyrǵan kórinedi.

Esterińizge sala keteıik, Óskemende et satýmen aınalysatyn 24 jastaǵy Andreı Aksıýtov reseılik syqaqshy ári ánshiniń kúıeýi Maksım Galkınge qatty uqsaıdy. Sondyqtan da jas jigit muny taǵdyrdyń bergen syıyna baǵalap, Pýgachevamen qalaıda júzdesýdi aldyna maqsat etip qoıǵan. Tolyǵyraq «Alkın Galkın» degen taqyryptaǵy maqaladan bile alasyzdar.