Biz elimizdiń buqaralyq aqparat quraldarynyń deńgeıi bıik jáne memleketshil bolýyna múddelimiz - M. Tájın
Búgin Aqordada QR Memlekettik hatshysy Marat Tájın buqaralyq aqparat quraldarynyń birqatar ókilderine Prezıdenttik syılyqtar men granttar jáne alǵys hattar tabys etý barysynda osylaı dedi.
«Biz elimizdiń buqaralyq aqparat quraldarynyń deńgeıi bıik jáne memleketshil bolýyna múddelimiz. «Gazet halyqtyń kózi hám qulaǵy» dep Ahmet Baıtursynov aıtqandaı, baspasózdiń qoǵamdaǵy róli zor»,- dep atap ótti Memlekettik hatshy.
M. Tájınniń paıymdaýynsha, buqaralyq aqparat quraldary qazirgi jahandaný dáýirinde memlekettilikti saqtaýǵa, táýelsizdikti nyǵaıtýǵa, halyqty ortaq maqsatqa toptastyrýǵa yqpal etýi tıis.
«Elimizdegi tynyshtyq pen turaqtylyqty saqtaýda da jýrnalıst qaýymyna júkteletin jaýapkershilik zor. Qazaq eliniń irgesi keńeıip, mártebesiniń artýyna jýrnalıster kóp eńbek sińirýde»,-dedi ol.