Biz Dımashtyń dara tulǵasyn zerttep jatyrmyz - Chjan Hanxýeı
«Qazirgi kezde biz Dımashtyń dara tulǵasyn, dara qubylysyn zerttep jatyrmyz. Bıyl Qytaıda ótken gala-kontsertte Dımash taǵy da óner kórsetti. Sol kezde ony 2 mıllıardqa jýyq adam kórdi. Buryn Vıtas bolsa, qazir Dımashtyń dáýreni bastaldy. Sol kontsertte Abaıdyń sózderi de aıtyldy. Sosyn bizdiń elshiliktiń atynan arnaıy quttyqtaý oqyldy. Sóıtip, Qazaqstan týraly úsh ret aıtty. Artynan basqa elshilikterde isteıtin áriptesterim qońyraý shalyp, osyndaı deńgeıge qalaı jetkenimizdi qaıta-qaıta surady. Sebebi Qytaı úshin asa mańyzdy sharada Qazaqstan jaıynda bir ret emes, úsh ret aıtyldy. Biz úshin ol - úlken jetistik», - deıdi Ch.Hanxýeı.
Aıta keteıik, búgin elshi Ch.Hanxýeı jýrnalıstermen kezdesip, ekijaqty baılanystardy damytý jaıynda aıtyp berdi. Onyń sózine qaraǵanda, Qytaıdyń qazaq xalqyna degen qyzyǵýshylyǵy artyp keledi. Budan bólek, elshi Qytaıdaǵy aqparattyq texnologııalardy damytý máselesine toqtaldy.