Biz birgemiz: Semeılik polıtseıler 25 otbasyǵa kómek kórsetti

SEMEI. QazAqparat – Semeı qalasyndaǵy polıtsııa qyzmetkerleri muqtaj otbasylarǵa kómektesti, dep habarlaıdy QazAqparat tilshisi.

Qalalyq Polıtsııa basqarmasy baspasóz qyzmetiniń málimetine súıensek, tártip saqshylary jalǵyzbasty qarttarǵa, turmysy tómen kópbalaly otbasylarǵa, muqtaj jandarǵa azyq-túlik pen jeke bas gıgıena zattaryn taratty.

«Biz birgemiz!» aktsııasy aıasynda patrýldik polıtsııa batalonynyń jeke quramy 25 otbasyǵa kómek kórsetti. Olar karantın kezinde qıyn jaǵdaıǵa tap bolǵan januıalarǵa qolushyn sozýdy ózderiniń azamattyq paryzy dep sanaıdy. Bir kún ishinde tártip saqshylary 1 mıllıon teńgege jýyq qarajat jınap, un, qant, taýyq eti, kúnbaǵys maıy, jemis-jıdek syndy azyq-túlik ónimderin satyp alyp, qala turǵyndarynyń úılerine jetkizip berdi», - dedi patrýldik polıtsııa batalonynyń komandıri Nurlan Zamanbekuly.

Óz kezeginde otbasy músheleri polıtsııa qyzmetkerlerine rızashylyqtaryn bildirip, jumystaryna jemis tiledi.