«Biz birgemiz!»: Otyrarlyq polıtseıler turmysy tómen otbasylarǵa kómek kórsetti
«Biz birgemiz!» aktsııasy aıasynda tártip saqshylary kópbalaly jáne az qamtylǵan, múmkindigi shekteýli balalary bar 40 otbasyna bir jolǵy azyq-túlik jıyntyǵyn tapsyrdy, dep habarlaıdy QazAqparat tilshisi.
Aýdan turǵyndarynyń qaýipsizdigin qamtamasyz etip júrgen polıtsııa qyzmetkerleriniń qasıetti aıdaǵy qaıyrly isterine jurtshylyq rızashylyǵyn bildirdi. Polıtsııa bóliminiń bastyǵy Baqyt Tilekuly aldaǵy ýaqytta da az qamtylǵan otbasylarǵa quqyqtyq qoldaý kórsetip, azyq-túlik pen qarjylaı da kómek jumystary uıymdastyrylyp turatynyn aıtty.
Atalǵan qaıyrymdylyq sharasynda «Nur Otan» partııasy Otyrar aýdandyq fılıaly tóraǵasynyń birinshi orynbasary Abaı Qurman partııa bastamasymen qolǵa alynǵan jobalardy júzege asyrýǵa qoldaý bildirgen polıtseılerge alǵysyn jetkizdi. Kez-kelgen qıyn qystaý kezeńde turǵyndardyń tynyshtyǵyn qamtamasyz etip, qaıyrymdylyq pen adamgershiliktiń jarqyn úlgisin kórsetip júrgen qyzmetkerlerdiń saýapty isi muqtaj januıalarǵa qoldaý bolatynyn aıtyp ótti.