Biz birgemiz: Elordada 13 myńnan astam qala turǵyny qar kúredi
«Nur-Sultan qalasy Volonterler shtaby bıyl 9 qańtarda quryldy. Bul uıym volonterlerdi 7 baǵyt boıynsha úıretedi, sondaı-aq qaladaǵy barlyq volonterlik jumystardy basqarady», - deıdi Shyńǵys Tleýlın.
Ol qansha volonter qar kúreýge kómekteskenin aıtty.
«Búginge deıin 13 myńnan astam adam kemi bir kún volonter bolyp, áleýmettik kómekti qajet etetin toptarǵa kómektesip, olar turatyn jerge baryp qar kúredi. Bul - «Lesozavod», «Ońtústik-Shyǵys», 40-shy stansa sııaqty qala shetindegi aýdandar», - deıdi ol.
Kómek kórsetý eki apta buryn bastalǵan «Biz birgemiz» chellendji arqyly júzege asqan.
«Bul chellendj áleýmettik jeli arqyly tarap ketti. Qar áli de qalyńdap jaýyp jatyr, sol sebepti qar kúregen aýdandarǵa taǵy baryp kúreımiz, óıtkeni ol mekenjaılarda qarııalar, UOS ardagerleri, kópbalaly jalǵyzbasty analar, múgedekter sııaqty kómekke muqtaj adamdar turady. Bul joly bizge JOO-lar ǵana emes, memlekettik mekeme qyzmetkerleri, jeke menshik kompanııalar qoldaý bildirdi», - deıdi Volonterler shtabynyń tóraǵasy.