#Biz birgemiz: Aqmolalyq polıtseıler mektep-ınternattyń aýlasyn qardan tazartty

KÓKShETAÝ. QazAqparat - Aqmola oblysynyń polıtseıleri «Biz birgemiz!» chellendjine atsalyp, estý qabileti nashar balalarǵa arnalǵan mektep-ınternatynyń aýlasyn qardan tazartty, dep habarlaıdy QazAqparat tilshisi oblystyq Polıtsııa departamentiniń baspasóz qyzmetine silteme jasap.

Vedomstvonyń málimetinshe, chellendj barysynda tártip saqshylary estý qabileti nashar balalarǵa arnalǵan mektep-ınternattyń, oblystyq PD-nyń jáne aýdandyq polıtsııa bóliminiń aýlalarynan qardy kúredi.

«Tańerteńnen túske deıin polıtsııa qyzmetkerleri qoldaryna kúrek alyp jáne arnaıy tehnıkanyń kómegimen qar tazalaý jumystaryna qatysty. Mundaı senbilik adamdardy jaqyndatyp, tamasha kóńil-kúı syılaıdy», - dedi vedomstvodan.

Aıta keteıik, osyǵan deıin elordanyń jastary turǵyn úılerdiń aýlasyn qalyń túsken qardan tazartý boıynsha bastama kóterip, ony áleýmettik jelige #Biz birgemiz heshtegimen jarııalaǵan bolatyn. Aqmolalyqtar da #Biz birgemiz chellendjin jalǵastyryp alyp ketti.

El Prezıdenti Qasym-Jomart Toqaev Volonter jyly aıasynda qolǵa alynǵan bul estafetaǵa qoldaý bildirdi.