«Biz bir el, bir halyqpyz!» atty baspasóz májilisi ótedi

ASTANA. 21 qyrkúıek. QazAqparat - Erteń elordada «Biz bir el, bir halyqpyz!» atty baspasóz májilisi ótpek.

Úkimettik emes uıymdar ókilderiniń qatysýymen ótetin shara Rýhanı kelisim kúni aıasynda uıymdastyrylyp otyr.

«Adamzat ómir súrý jaǵdaıyn jaqsartý qajettiligin asa aıqyn sezinýde. Álemde bolyp jatqan tabıǵı apattar men áleýmettik ózgerister, dinı qaqtyǵystar jer betiniń barlyq turǵyndaryn alańdatyp, bolyp jatqan ǵalamdyq ózgeristerge tereń mán berý kerektigin kórsetip otyr. Tabıǵı apattardan basqa álemdi ekonomıkalyq daǵdarys, geosaıası jáne dinaralyq qaqtyǵystar alańdatýda. Eń qaýiptisi ádep - ǵuryptarymyzǵa negizdelgen rýhanı qundylyqtarymyzdyń joıylýy», - delingen habarlamada.