Biz barlyq qazaqstandyqtardy Ýkraınadan alyp shyqqansha, repatrıatsııa reısterin oryndaımyz - Pıter Foster

ALMATY. QazAqparat- Air Astana prezıdenti qazaqstandyqtardy Ýkraınadan evakýatsııalaý qalaı júrgizilgenin aıtyp berdi, dep habarlaıdy QazAqparat tilshisi.

«Biz elge oralǵanymyzǵa óte qýanyshtymyz. Bizdi qarsy alýǵa kelgenderińizge rahmet. Biz Ýkraınadan evakýatsııalanǵan 175 jolaýshymen birge keldik, onyń ishinde bir mysyq pen bir ıt bar», - dedi spıker.
Sonymen qatar, ol qajet bolsa, aldaǵy ýaqytta repatrıatsııa reısteri taǵy da uıymdastyrylatynyn atap ótti.
«Búgin túski ýaqytta shekarada kezekte turǵan jolaýshylardy alyp ketý úshin ekinshi reıs attanady. Barlyǵyn sol jerden alyp shyqqansha biz repatrıatsııalyq reısterdi oryndaımyz», - dedi ol.
Pıter Foster búkil halyqty jınap, batysta shekaradan ótý óte qıyn ekenin tilge tıek etti.
«Shekara men Katovıtse áýejaıynda reısterge qyzmet kórsetý jáne jolaýshylardy jınaý júıesi barynsha jeńildetilgen. Sondyqtan jumysymyz ári qaraı da ońdy bolady dep úmittenemiz», - dedi Foster.
Onyń aıtýynsha, áýe kompanııasy qajet bolǵan jaǵdaıda 3-4-5 reıs uıymdastyrýǵa daıyn.
«Birinshiden, biz bul reısterdi Qazaqstan azamattary úshin oryndaımyz. Elshiliktiń málimetinshe, Ýkraınada 2 myńǵa jýyq qazaqstandyq tirkelgen, olardyń qanshasy Ýkraına aýmaǵynan ketkisi keletinin naqty aıta almaımyz. Adamdardyń shekaradan qanshalyqty jyldam ótetinin de eskerý qajet. Onda kezek óte baıaý qozǵalady», - dep jaýap berdi áýe kompanııasynyń prezıdenti.
Aıta ketsek, 28 aqpan saǵat 22.35-te 175 qazaqstandyq mingen «Eır Astana» borty Almaty áýejaıyna kelip qonǵan edi, olardyń ishinde alty bala bar.