Bıylǵy jyldyń 9 aıyndaǵy taýarlar men jumystardyń jáne qyzmetterdiń kólemi 4,8 trıllıon teńgeni qurady
Bul týraly búgin qazaqstandyq qamtý máselelerine arnalǵan májilis barysynda Indýstrııa jáne jańa tehnologııalar mınıstrliginiń jergilikti qamtý jónindegi departamentiniń dırektory Serik Kamalıev málim etti.
Onyń aıtýynsha, osylaısha qazaqstandyq qamtý deńgeıi 51,1 paıyzdy qurady. Al memlekettik organdardyń memlekettik satyp alý kólemi 154,8 mıllıard teńgeni qurady. Onyń ishinde qazaqstandyq qamtý 57,7 paıyz. Jer qoınaýyn paıdalanýshylardyń satyp alǵan taýarlar kólemi 3 711,5 mıllıard teńgege jetti. Onyń ishinde qazaqstandyq qamtý - 55,5 paıyz. «Al ulttyq kompanııalardyń satyp alýlar kólemi 307,4 mıllıardty qurasa, onyń 56,5 paıyzy qazaqstandyq qamtýǵa tıesili. Sondaı-aq júıequraýshy kásiporyndardyń satyp alýlary 635,9 mıllıardty qurap, onyń 21,2 paıyzy qazaqstandyq qamtý boldy»,-dedi departament bastyǵy.