Bıylǵy jyldaǵy Úkimettiń zań jobalaý jospary tolyq kólemde oryndaldy
11:34, 24 Jeltoqsan 2013
ASTANA. 24 jeltoqsan. QazAqparat - 2013 jyldaǵy Úkimettiń zań jobalaý jospary tolyq kólemde oryndaldy.
Bul týraly búgin Úkimet otyrysy barysynda QR Ádilet mınıstri Berik Imashev málim etti.
«Úkimettiń zań jobalaý jumystarynyń 2013 jylǵa arnalǵan josparynda bastapqyda 53 zań jobasyn ázirleý kózdelgen bolatyn. Búginde jyl boıy engizilgen túzetýlerdi esepke ala otyryp, jospar boıynsha 43 zań jobasyn daıarlaý qarastyryldy. Atap ótilgen 43 zań jobasynyń ishinde úsheýine Elbasy qol qoıdy jáne 32-si Parlament Májilisine engizildi. Bıylǵy 18 jeltoqsanda Úkimette qalǵan 8 zań jobasy tanystyryldy, sondaı-aq olardy aǵymdaǵy jyldyń sońyna deıin Parlament Májilisine engizý kútilýde»,-dedi mınıstr.
Osy oraıda vedomstvo basshysy zań jobalaý jumystary josparynyń tolyq kólemde oryndalǵanyn atap ótti.