Bıylǵy jazda Alakólge eki jolaýshylar poıyzy qatynaıdy

NUR-SULTAN. QazAqparat – Jaz mezgilinde Alakólge eki jolaýshylar poıyzy qatynaıtyn boldy. Bul týraly QR «Qazaqstan temir joly» UK» AQ-nyń baspasóz qyzmetinen málim boldy, dep habarlaıdy QazAqparat.

Baspasóz qyzmetiniń málimetterine qaraǵanda, №221/222 Almaty-2 - Dostyq (kommertsııalyq) poıyzy Almaty-2-den 2022 jylǵy 15 maýsym-31 tamyz aralyǵynda sársenbi, juma, dúısenbi kúnderi, al Dostyqtan 2022 jyldyń 16-shy maýsymynan beısenbi, senbi jáne seısenbide aptasyna 3 ret qatynaıdy.

Nur-Sultan-1-Dostyq qatynasyndaǵy №258/257 poıyzy aptasyna Nur-Sultan-1-den 2022 jylǵy 16 maýsym-28 tamyz aralyǵynda beısenbi jáne jeksenbi kúnderi, al Dostyqtan 2022 jylǵy 17 maýsym-29 tamyz aralyǵynda juma jáne dúısenbi kúnderi 2 ret qatynaıdy.

«Ulttyq tasymaldaýshy jolaýshylarǵa jol júrý qujattaryn (bıletterin) BILET.RAILWAYS.KZ saıty nemese QTJ bıletteri mobıldi qosymshasy arqyly onlaın resimdeýdi usynady. Jol júrý qujattary (bıletteri) bolmaǵan jaǵdaıda Kútý paraǵy fýnktsıonalyn paıdalanýdy usynamyz»,-delingen habarlamada.