Bıylǵy úsh aıda 1,4 mln qazaqstandyq shet memleketterge saıahattady

ASTANA. QazAqparat – Bıylǵy úsh aıda 1,4 mln qazaqstandyq shet memleketterge saparlady. Bul ótken jyldyń sáıkes kezeńimen salystyrǵanda 66% joǵary (2022 jylǵy qańtar-naýryz – 845,2 myń adam). QazAqparat bul týraly Ulttyq statıstıka bıýrosyna silteme jasap habarlaıdy.

Bul rette Qazaqstanǵa 1,1 mln týrıst kelgen. Bul kórsetkish 2022 jylǵy qańtar-naýryzben salystyrǵanda 3,9 ese joǵary (2022 jylǵy qańtar-naýryz – 293,2 myń adam).

El ishindegi týrızmge kelsek, bıylǵy alǵashqy úsh aıda 1,3 mln adam (2022 jyly – 1,1 mln adam) el óńirlerin saıahattaǵan.

Qazaqstanda týrısterdi ornalastyratyn 3 848 oryn bar. Ótken jyldyń birinshi toqsanymen salystyrǵanda olardyń sany 92-ge artty. Bul rette qyzmet kórsetilgen demalýshylar sany 1,5 mln adamdy qurady.

Kýrortty aımaqtarda 703 myńnan astam adam demaldy. Qańtar-naýryzda ornalastyrý oryndary kórsetken qyzmet kólemi 43,1 mlrd teńgeni qurady, bul da ótken jyldyń sáıkes kezeńimen salystyrǵanda 64,8% joǵary.

Aıta keteıik, Qazaqstanda 5 juldyzdy reıtıngi bar 25 oryn bar, olar birinshi toqsanda173 myń qonaq qabyldaǵan.