Bıylǵy UBT-da qandaı ózgerister bar

ASTANA. QazAqparat - Ulttyq testileý ortalyǵy 2023 jylǵy ulttyq biryńǵaı testileýdiń jańashyldyqtaryn túsindirdi, dep habarlaıdy QazAqparat.

Bıyl UBT formatynda erekshelikter joq. Oqýǵa túsýshiler UBT-ny 5 pánnen (3 mindetti + 2 beıindik) tapsyrady.

Búkil test tapsyrmasynyń sany —120, eń joǵary ball– 140.

Testileýdiń jalpy ýaqyty: 4 saǵat (240 mınýt).

Alaıda test tapsyrmalarynyń qurylymyn odan ári jetildirý maqsatynda birneshe mańyzdy sheshim qabyldanyp, ózgerister engizilgen.

Olardyń negizgileri mynalar:

- «Qazaqstan tarıhy» pániniń bir nusqasynda 20 test tapsyrmasy (20 ball) bolady: 1-den 10-ǵa deıin – bir durys jaýapty tańdaýǵa arnalǵan test tapsyrmalary, 11-den 20-ǵa deıin – kontekstke negizdelgen tapsyrmalar (5 suraqtan 2 kontekstik mátin).

- Al «Oqý saýatynan» talapkerlerge 3 mátin boıynsha 15 test suraǵy (15 ball) beriledi.

- Dıstraktorlar (jaýap nusqalary) sany azaıdy.

- Bir durys jaýaby bar test tapsyrmasynda nusqalar sany 5-ten 4-ke deıin, bir nemese birneshe durys jaýaptary bar test tapsyrmalarynda (úsh durys jaýaptan kóp emes) 8-den 6-ǵa deıin azaıtyldy.

Qańtardaǵy UBT-dan bastap «Informatıka muǵalimderin daıarlaý», «Aqparattyq tehnologııalar», «Aqparattyq qaýipsizdik» baǵdarlamalaryna túsýge nıet bildirýshiler UBT-ny «Matematıka-Informatıka» kombınatsııasy boıynsha tapsyrady.