Bıylǵy qańtar-qyrkúıekte TMD elderi boıynsha keıbir kórsetkishterdiń ósý qarqynynyń tómendeýi saqtaldy

ASTANA. 13 qarasha. QazAqparat - 2013 jylǵy qańtar-qyrkúıekte Dostastyq elderi boıynsha keıbir áleýmettik-ekonomıkalyq kórsetkishteri ósý qarqynynyń tómendeýi saqtaldy. Bul týraly QR Statıstıka agenttiginiń málimetterinde habarlandy.

«TMD Statkomıtetiniń derekteri boıynsha, Dostastyq elderinde 2013 jylǵy qańtar-qyrkúıekte 2012 jylǵy qańtar-qyrkúıekpen salystyrǵanda keıbir áleýmettik-ekonomıkalyq kórsetkishter boıynsha ósý qarqynynyń tómendeýi saqtaldy: ónerkásip óndirisiniń kólemi 0,1% artty (2012 jylǵy qańtar-qyrkúıekte 2,3% artqan), negizgi kapıtalǵa salynǵan ınvestıtsııalar kólemi - 0,4% (9,3%), júk tasymaldaý kólemi (qubyr kóliginsiz) - 2% (7,4%), bólshek saýda aınalymy - 5,6% (8,3%)», - delingen agenttik habarlamasynda.