Bıylǵy egistik naýqanyna astyq tuqymy jetpeı jatyr - Qazaqstan fermerleri odaǵy
14:20, 20 Aqpan 2013
ASTANA. 20 aqpan. QazAqparat - 2013 jyldyń egistik naýqanyna 110 myń tonnadan astam tuqym jetispeıdi.
Qazaqstan fermerleri odaǵynyń prezıdenti Áýezhan Darınovtyń aıtýynsha, atalǵan máseleni búginnen bastap sheshpese, kóktemgi egistik kezinde fermerlerdiń jaǵdaıy qıyndaıdy. «Sondyqtan biz bul máseleni búgin kótermesek, erteń astyq egetin tuqym bolmaı qalýy ábden múmkin. Osyǵan qatysty eshqandaı shara qoldanbasa, dál egistik naýqany kezinde tuqymnyń baǵasy altynnan da qymbat bolady. Álbette, sharýalardyń ondaı tuqymǵa aqshasy jetpeıdi», - deıdi Á.Darınov.