Bıylǵy bıdaı alqaptary ishki naryqty qamtamasyz etýge jetedi - mınıstrlik

ASTANA. QazAqparat – Іshki naryqty qamtamasyz etý úshin dándi daqyldar, atap aıtqanda bıdaı alqaby jetkilikti. Bul týraly QR AShM eginshilik departamentiniń dırektory Azat Sultanov aıtty, dep habarlaıdy QazAqparat tilshisi.

Ortalyq kommýnıkatsııalar qyzmetinde Azat Sultanov bıyl Qazaqstan qandaı astyq jınaýy kerek degen máselege toqtaldy.

Onyń aıtýynsha, qazir birdeńe boljaýǵa áli erte, óıtkeni negizgi astyq egetin aımaqtarda naýqan áli bastalmady.

«Mamyr aıynda egis naýqany jappaı júrgiziledi. Bul ónimdilik egin salynǵan soń kóshetterge qaraı boljanady. Biraq jalpy dándi daqyldardy, atap aıtqanda bıdaı óndirý ishki naryqty qamtamasyz etýge jetkilikti, ıaǵnı astyqsyz qalmaımyz», - dep túsindirdi ol.

Aýyl sharýashylyǵy vıtse-mınıstri Ábilqaıyr Tamabek 2023 jylǵa arnalǵan egis alqaptarynyń boljamdy qurylymy jasalǵanyn aıtty.

Máselen, bıyl jalpy egis alańy 23,4 mln gektardy quraıdy, bul 2022 jylǵy kórsetkishten 68,6 myń gektarǵa artyq.

Dándi jáne dándi-burshaqty daqyldardyń egis alańdaryn 117 myń gektarǵa, azyqtyq daqyldar alańdaryn – 36,5 myń gektarǵa jáne qant qyzylshasy alańdaryn – 6,7 myń gektarǵa ulǵaıtý kózdelip otyr.