Bıylǵy bes aıda elimizde 1 384 náreste shetinegen – statıstıka
16:47, 13 Shilde 2022
NUR-SULTAN. QazAqparat – Bıylǵy bes aıda elimizde 1 384 náreste shetinegen. Bul týraly Ulttyq statıstıka bıýrosy málim etti, dep habarlaıdy QazAqparat tilshisi.
«2022 jylǵy qańtar-mamyrda respýblıkada 1 jasqa deıingi 1 384 náresteniń shetineýi tirkeldi. 2021 jyly dál osy kezeńde elde 1 423 bala shetinegen, ıaǵnı bıyl ólim-jitim 2,7 paıyzǵa kemidi», - dep kórsetilgen bıýronyń habarlamasynda.
Ulttyq statıstıka bıýrosynyń dereginshe, elde týǵan 1000 sábıdiń 8-i shetineıdi.
Eske sala keteıik, bul ýaqytqa deıin Batys Qazaqstan oblysynda jyl basynan beri 48 náreste shetinegenin jazǵan edik.