Bıylǵy bes aıda elektr samokattarǵa qatysty 10 jol-kólik oqıǵasy tirkeldi

ASTANA. QazAqparat – Bıylǵy bes aıda elektr samokattarǵa qatysty jol-kólik oqıǵasy saldarynan bir adam mert boldy. Bul týraly Іshki ister mınıstrligi Ákimshilik polıtsııa komıteti tóraǵasy Qaısar Sultanbaev aıtty, dep habarlaıdy QazAqparat tilshisi.

«2023 jyldyń bes aıynda elimiz aýmaǵynda elektr samokattarǵa qatysty 10 jol-kólik oqıǵasy tirkeldi. Osynyń saldarynan bir adam mert boldy. Sonymen qatar, 11 adamnyń jaralanǵany anyqtaldy», - dedi Q.Sultanbaev Senatta tilshiler suraǵyna jaýap bere otyryp.

Onyń aıtýynsha, atalǵan jol-kólik oqıǵalarynyń jeteýi Almaty qalasynda bolǵan.

Komıtet basshysy jeke adamdardyń menshigindegi samokattardyń jyldamdyǵyn baqylaý múmkin bolmaı turǵanyn aıtty.

Aıta keteıik, búgin Senattyń jalpy otyrysynda «Qazaqstan Respýblıkasynyń keıbir zańnamalyq aktilerine jol júrisin uıymdastyrý máseleleri boıynsha ózgerister men tolyqtyrýlar engizý týraly» Zańy maquldandy.

«Elektrondyq samokat» uǵymy engizilip, ol eń joǵary konstrýktıvtik jyldamdyǵy saǵatyna 25 kılometrden aspaıtyn kólik quraly dep tanylady jáne olardyń qozǵalysy úshin tıisti oryndar aıqyndaldy.

Atap aıtqanda, Zańmen engizilgen sharttar men tyıymdardy saqtaı otyryp, joldyń júris bóliginiń oń jaq sheti boıynsha elektr samokattardyń júrýine ruqsat etiledi.

Elektr samokatyna trotýar nemese jaıaý júrginshiler jolymen saǵatyna 6 km-den aspaıtyn jyldamdyqpen júrýine ruqsat etiledi. Shaǵyn elektr kólik quraldary men elektr samokattary júrgizýshileriniń quqyqtary men mindetteri belgilenedi.