Bıylǵy barlyq ıgi ister halqymyzdyń birligin bekemdeıdi dep senemin – Prezıdent
«Jyl basynan beri áleýmettik mańyzy zor ondaǵan jalpyulttyq joba qolǵa alyndy. Volonter jylynyń basty urany - BІRGEMІZ. Sondyqtan bıylǵy barlyq bastamalar men ıgi-ister halqymyzdyń birligin bekemdeıdi dep senemin. Men usynǵan «Áralýan pikir - birtutas ult» tujyrymy osyndaı sharalar arqyly júzege asyrylýy kerek», - dedi Memleket basshysy volonterlerdiń «BIRGEMIZ» respýblıkalyq front-keńsesin resmı iske qosý sharasynda.
Qazaqstan Prezıdenti memleket eriktilerge árqashan qoldaý kórsetetindigin basa aıtty.
«Aldaǵy kezeńde biz birqatar mańyzdy máselege aıryqsha nazar aýdarýǵa tıispiz. Eń aldymen jastar jylynyń jabylýyna arnalǵan sharada men bizdiń qoǵamyzdyń naqty máselelerin sheshýge baǵyttalǵan birqatar jobany ataǵan edim. Aýyldaǵy jastar, balalar úıiniń tárbıelenýshileri, ardagerler men zeınetkerler kómekke muqtaj. Ásirese naýqastardyń beıimdelýine jáne kútimine qol úshin berý qundy bola túspek», - dedi Qasym-Jomart Toqaev.