Bıylǵy aqpanda Qazaqstan Respýblıkasyndaǵy ınflıatsııa 0,4% qurady

ASTANA. 1 naýryz. QazAqparat - Azyq-túlik taýarlaryna baǵa ótken aıda 0,6 paıyzǵa, azyq-túlik emes taýarlarǵa – 0,3 paıyzǵa, aqyly qyzmetterge – 0,2 paıyzǵa ósti.

QR Statıstıka agenttiginiń málimetinshe, ótken aıda baǵanyń joǵarylaýy etke 1,6 paıyzǵa, qantqa – 1,4 paıyzǵa, balyq jáne teńiz ónimderine – 0,7 paıyzǵa, jemister men kókónisterge – 0,6 paıyzǵa, shaıǵa – 0,5 paıyzǵa, toqash jáne unnan daıyndalatyn kondıterlik ónimderge – 0,4 paıyzǵa, sút ónimderine, mal maıyna, kúrishke – 0,3 paıyzdan tirkeldi. Baǵanyń tómendeýi jarmalarǵa 3,2 paıyz, kúnbaǵys maıyna – 1,3 paıyz, unǵa – 0,6 paıyz, jumyrtqaǵa – 0,2 paıyz deńgeıinde belgilendi.

Baǵa jýǵysh jáne tazalaǵysh quraldarǵa – 0,6 paıyzǵa, shyny jáne qysh buıymdaryna 0,5 paıyzǵa, jeke kútimge arnalǵan taýarlarǵa – 0,4 paıyzǵa, kıim jáne aıaq kıimge – 0,3 paıyzǵa, farmatsevtıkalyq ónimderge – 0,2 paıyzǵa ósti. Budan bólek, qatty otyn túri 1,3 paıyzǵa, dızel otyny – 0,4 paıyzǵa qymbattady.

Baǵa deńgeıi densaýlyq saqtaý, alys qashyqtyqqa qatynaıtyn jolaýshylardyń temir jol kóligi qyzmetterine 1,3 paıyzdan,  shashtarazdar men jeke qyzmet kórsetý oryndary – 0,6 paıyzǵa, demalys jáne sporttyq is-sharalar salasy, mektepke deıingi jáne bastaýysh bilim berý qyzmetterine – 0,2 paıyzdan joǵarylady.

Turǵyn úı kommýnaldyq qyzmetter salasyndaǵy tólem turǵyn úı kútimine  0,7 paıyz, al qoqys jınaý – 1,1 paıyz deńgeıinde ósti.