Bıylǵy 9 aıda Prezıdentke 41 myń ótinish túsken, ár tórtinshisi quqyq qorǵaýshylar men sotqa qatysty
«Eldiń Prezıdenti retinde, men úshin ádildik – eń joǵary qundylyq. Sondyqtan, meniń Ákimshiligimde azamattardyń ótinishterin qabyldaýmen jáne olardyń talap-tilekterin qarastyrýmen aınalysatyn arnaıy bólim bar. Bul jumysty óz baqylaýymda ustaımyn. Bıylǵy 9 aıda meniń atyma 41 myń ótinish kelip tústi, olardyń árbir tórtinshisi quqyq qorǵaý organdarynyń qyzmetine jáne sot sheshimderine qatysty. Bul quqyqtyq reformany jalǵastyrýdyń mańyzdylyǵyn kórsetedi.
Sondyqtan, elimizde zań ústemdigi bolýǵa tıis. Onsyz qoǵamdyq tártip ornatý múmkin emes. Basqasha aıtqanda, ishki saıasatymyzda zań men tártipti basshylyqqa alamyz. Tek sonda ǵana biz azamattarymyzdyń ıgiligine baǵyttalǵan ekonomıkalyq reformalardy tıimdi júrgizý úshin qolaıly jaǵdaı jasaı alamyz.
Zań men tártip memleketimizdiń bedeline shyn máninde nuqsan keltirgen qaıǵyly qańtar oqıǵasynyń qaıtalanýyna jol bermeýge múmkindik beredi. Odan sabaq alý kerek jáne buzaqylar men lańkesterden batyr jasaýdyń esh qajeti joq. Belgili bir kúshterdiń jetegine ergen jáne kishigirim qylmystar jasaǵandarǵa raqymshylyq jarııaladym. Al buzaqylardy, kisi óltirýshilerdi, tonaýshylardy qoldaýǵa tyrysatyndardan saq bolý kerek. Olar halqymyzdyń túpki múddesine múldem saı kelmeıtin jeke maqsatty kózdeıdi. Jýyq arada memleketke satqyndyq jasaǵandar, ekijúzdilik jáne qorqaqtyq tanytqandar sot aldynda jaýap beredi. Qaıǵyly jaǵdaıǵa jol bergen nemese arandatýshylyq áreket jasaǵandardyń isteri boıynsha tergeý jalǵasady», - dedi Prezıdent.