Bıylǵy 9 aıda Qazaqstanda ІJÓ-niń ósýi 3,4 paıyz boldy - UB

NUR-SULTAN. QazAqparat – Bıylǵy 9 aıda Qazaqstannyń ishki jalpy óniminiń ósýi 3,4% boldy. Bul týraly Májilistiń jalpy otyrysynda Ulttyq bank tóraǵasy Erbolat Dosaev málim etti, dep habarlaıdy QazAqparat tilshisi.

«Bıylǵy jylǵy 9 aıdyń qorytyndysy boıynsha Qazaqstannyń ishki jalpy óniminiń ósýi 3,4% boldy, munaıdyń ortasha baǵasy bir barrel úshin 68 AQSh dollary deńgeıinde qalyptasty. Bul serpin Qazaqstan ekonomıkasyn damytýdyń optımıstik stsenarııine sáıkes keledi. Munaıdyń ortasha jyldyq baǵasy bir barrel úshin 70 AQSh dollary bolǵan kezde Ulttyq bank ishki jalpy óniminiń 2021 jyly 3,7-4% deńgeıinde ósýin kútedi», - dedi E. Dosaev.

Onyń aıtýynsha, álemdik jáne ulttyq ekonomıkalardyń osyndaı tez qalpyna kelýi jalǵasyp jatqan fıskaldyq yntalandyrý baǵdarlamalary men jeńil aqsha-kredıt talaptarynyń nátıjesinde múmkin boldy.

«Sonymen birge, bul faktorlar tutynýshylyq suranystyń qalpyna kelýine jáne álemdegi ınflıatsııalyq qysymnyń aıtarlyqtaı ósýine ákeldi. Osy jyldyń basynan bastap baǵanyń ósýi tarıhı eń joǵary kórsetkishterdi jańartyp otyr. Álemniń iri ekonomıkalarynda ınflıatsııa 13 jyldyq eń joǵary kórsetkishterge jetti: ol AQSh-ta

5,4%-ǵa deıin, Eýroodaqta – 3,4%-ǵa deıin ósti», - dedi UB basshysy.