Bıylǵy 8 aıda Qazaqstannyń teńiz porttary arqyly 3,8 mln tonna júk tasymaldandy

NUR-SULTAN. QazAqparat - Bıylǵy 8 aıda Aqtaý jáne Quryq teńiz porttary arqyly 3,8 mln. tonnadan astam júk tasymaldandy.

Bul ótken jyldyń sáıkes kezeńindegi kórsetkishke teń, DEP habarlaıdy QazAqparat QR Indýstrııa jáne ınfraqurylymdyq damý mınıstrliginiń baspasóz qyzmetine silteme jasap.

Baspasóz qyzmetiniń málimetterine qaraǵanda, júk kólikteri men konteınerlerge tıeýde ósim baıqalady. Otandyq saýda floty 8 aıda Kaspıı teńizindegi porttar arasynda 1,5 mln tonna júk, onyń ishinde Aqtaý-Baký fıderlik jelisi boıynsha shamamen 9 myń birlik konteıner tasymaldady.

«8 aıda ishki sý joldary boıynsha júk tasymaldaý kólemi shamamen 1,3 mln tonnany qurasa, onyń shamamen 200 myń tonnasy Reseı baǵytynda tasymaldandy»,-delingen habarlamada.