Bıylǵy 7 aıda memlekettik bıýdjet 8 trln teńge salyq túsimderimen tolyqty

NUR-SULTAN. QazAqparat – Ótken jyldyń sáıkes kezeńimen salystyrǵanda salyq túsimderiniń 1,5 ese nemese 2 557,1 mlrd teńgege óskeni baıqalady. Bul týraly Memlekettik kirister komıtetiniń baspasóz qyzmeti málim etti, dep habarlaıdy QazAqparat.

MKK baspasóz málimdemesine sáıkes, bıylǵy 7 aıda memlekettik bıýdjetke salyq túsimderi boıynsha jospar 104,6% oryndaldy. Jospar boıynsha – 7 740,9 mlrd teńge, 352,2 mlrd teńgege asyra oryndalyp, naqty túskeni – 8 093,2 mlrd teńge bolǵan.

Oonyń ishinde:

- Respýblıkalyq bıýdjet 100,3% oryndaldy (jospar boıynsha – 5 417,9 mlrd teńge, 18,1 mlrd teńgege asyra oryndaýmen 5 436,1 mlrd teńge tústi), ótken jylǵy sáıkes kezeńmen salystyrǵanda 1,6 ese nemese 1 934,6 mlrd teńgege ósti.

- Jergilikti bıýdjet 114,4% oryndaldy (jospar boıynsha – 2 323,0 mlrd teńge, 334,1 mlrd teńgege asyra oryndaýmen 2 657,1 mlrd teńge tústi), 2021 jylǵy sáıkes kezeńmen salystyrǵanda 30,6% nemese 622,4 mlrd teńgege ósti.

2021 jylǵy sáıkes kezeńimen salystyrǵanda respýblıkalyq bıýdjetke túsimderdiń eń kóp somasy korporatıvti tabys salyǵy boıynsha 731,2 mlrd teńgege nemese 1,8 ese, munaıǵa salynatyn eksporttyq keden bajdary boıynsha 490,7 mlrd teńgege nemese 1,9 ese, ishki óndiris taýarlaryna qosylǵan qun salyǵy 333,9 mlrd teńgege nemese 1,7 ese, úshinshi elderden ımportqa qosylǵan qun salyǵy 199,8 mlrd teńgege nemese 46,0%-ǵa, EAEO elderinen ımportqa qosylǵan qun salyǵy 90,2 mlrd teńgege nemese 18,9%-ǵa jáne paıdaly qazbalar óndirisine salyq 71,1 mlrd teńgege nemese 35,1%-ǵa óskeni baıqalady.

Komıtettiń baspasóz qyzmeti túsimderdiń ósýine áser etken faktorlardy atap kórsetedi.

Sonymen, 7 aıda ótken jylǵy uqsas kezeńmen salystyrǵanda negizgi eksporttyq pozıtsııalarǵa, onyń ishinde munaıǵa 63,3%, myryshqa 30,9%, alıýmınııge 30,6%, qorǵasynǵa 5,5%, mysqa 3,2% jáne altyn 2,6% baǵanyń ósýi baıqalady. Shıki munaıǵa salynatyn kedendik áketý bajynyń mólsherlemesi 53,1%-ǵa ósti (1 tonna úshin ortasha mólsherlemesi 2021 jylǵy 7 aıynda – 57,9$, 2022 jylǵy 7 aıynda 1 tonna úshin – 88,6$).

Aǵymdaǵy jylǵy 7 aıda úshinshi eldermen taýar aınalymy 48,9%-ǵa ósti (eksport 61,1%-ǵa, ımport 21,7%-ǵa).

Ótken jylǵy uqsas kezeńmen salystyrǵanda 2022 jylǵy 6 aıda ótkizý boıynsha aınalym 18,4%-ǵa ulǵaıdy (51 627 mlrd teńgeden 61 140 mlrd teńgege deıin).