Bıylǵy 7 aıda el ekonomıkasyna ýran eksporty kóp kiris ákelgen

NUR-SULTAN. QazAqparat – Bıylǵy 7 aıda Qazaqstannyń syrtqy taýarlar aınalymy 59,5 mlrd dollarǵa jetti. Bul týraly QazTrade saýda saıasatyn damytý ortalyǵynan málim etti, dep habarlaıdy QazAqparat tilshisi.

«2022 jyldyń qańtar-shilde aılary aralyǵynda eksport kólemi 44,4 mlrd dollarǵa deıin ulǵaıdy. Al ótken jyly dál osy kezeńde ol 27,6 mlrd dollar bolǵan edi.

Shıki munaı eksporty bolsa, 75,9 paıyzǵa jetip, 28,3 mlrd dollar boldy. Bıyl jalpy shıki munaı men ferroqorytpalar saýdasyn eseptemegende ýran eksporty kóp kiris ákeldi», - dep málim etti saýda saıasatyn damytý ortalyǵynan.

Degemen, osy aralyqta keıbir taýarlardyń eksport kólemi tómendegen. Atap aıtqanda, bolattan jasalǵan jartylaı daıyn ónimdi jetkizý 31,1 paıyzǵa qysqaryp, odan túsken paıda 147,6 mln dollar bolǵan.