Bıylǵa 56 eldi mekendi gazben qamtamasyz etý aıasynda 86 joba josparlanǵan – Roman Sklıar

ASTANA. QazAqparat – Eldi gazdandyrý deńgeıi 60 paıyzǵa jetkiziledi. Bul týraly Senatta «Tıimdi óńirlik saıasat – elimizdiń ornyqty áleýmettik-ekonomıkalyq damýynyń negizi» taqyrybyndaǵy parlamenttik tyńdaýda Premer-Mınıstrdiń birinshi orynbasary Roman Sklıar málim etti, dep habarlaıdy QazAqparat tilshisi.

«El turǵyndaryn gazben qamtý aıasynda byltyr 142 joba júzege asty. Bıyl 56 eldi mekenniń 167 myń turǵynyn gazben qamtamasyz etý úshin 86 joba josparlanǵan. Bul eldi gazdandyrý deńgeıin 60 protsentke jetkizýge múmkindik beredi. Energetıkalyq baılanys soltústik jáne ortalyq-shyǵys aımaqtardy gazdandyrýdy aıaqtaý jáne batys óńirlerin biryńǵaı energetıkalyq júıege qosý arqyly júzege aspaq», - dedi R. Sklıar.

Budan buryn habarlanǵandaı, Premer-Mınıstrdiń birinshi orynbasary elimizdegi jylý elektr stantsııalary men elektr jelilerine revızııa júrgizilip jatqanyn aıtty. Bul tekserý bıyldyń birinshi toqsanynda aıaqtalady.

2025 jyldyń sońyna deıin halyqty aýyz sýmen qamtý 100 paıyzdy quraıdy.