Bıyl jylyna 1 mln tonna polıetılen óndiretin joba qolǵa alynbaq

ASTANA. QazAqparat – Bıyl Qazaqstan munaı-gaz-hımııa salasynda 515 myń tonna ónimin óndirmekshi, dep habarlaıdy QazAqparat tilshisi.

Bul týraly Energetıka mınıstri Bolat Aqsholaqov vedomstvonyń keńeıtilgen alqa májilisinde málim etti.

«2023 jyly munaı-gaz-hımııa ónimin óndirý kólemi 515 myń tonna deńgeıinde josparlanýda. Salany odan ári damytý sheńberinde quny shamamen 900 mln dollar bolatyn býtadıen óndirý kesheniniń qurylysy bastaldy», - dedi ol.

Mınıstrdiń aıtýynsha, bıyl «Polıetılen» jobasynyń aıasynda munaı óńdeý óndirisin tereńdetý jalǵasyn tabady.

«2023 jyly «Polıetılen» jobasynyń aıasynda qýaty 9 mlrd tekshe metr gazdy qaıta óńdeýge múmkindik beretin gaz separatorlyq qondyrǵyny qarjylandyrý máselesi sheshilip, qýaty jylyna 1,250 mln tonna bolatyn poletılen keshenin jobalaý bastalady», - dedi Bolat Aqsholaqov.

Ashyq kózderden alynǵan foto