Bıyl jylý jelilerin jóndeýge bıýdjetten qansha qarajat bólindi

ASTANA. QazAqparat – 2023 jyly respýblıkalyq bıýdjet qarajaty esebinen 133 km jylý jelilerin jóndeý josparlanǵan, dep habarlaıdy QazAqparat.

Indýstrııa jáne ınfraqurylymdyq damý mınıstrliginiń málimetinshe, búginde respýblıka boıynsha shamamen 14 myń km jylýmen jabdyqtaý jelileri bar, olardyń ortasha tozýy 54%. Qazir barlyq óńirde aldaǵy jylytý maýsymyna daıyndyq jumystary júrgizilip jatyr.

Bıyl 133 km jylý jelilerin jańǵyrtýǵa mınıstrlik respýblıkalyq bıýdjetten 109,5 mlrd teńge bóldi.

Aıta ketý kerek, Memleket basshysynyń saılaýaldy baǵdarlamasyna sáıkes 2030 jylǵa qaraı jylý jelileriniń tozýyn 43% - ǵa deıin tómendetý mindeti tur.

Buǵan deıin Rıdder, Kentaý, Shahtınskide jylytý maýsymyna daıyndyq kesteden keshigip jatqanyn jazǵan bolatynbyz.

Qaraǵandy qalasynyń ákimi Meıram Kojýhov jylýmen jabdyqtaý sapasyn jaqsartý úshin júzege asyrylyp jatqan jobalar týraly aıtty.

Atyraý oblysynda nysandardyń jylytý maýsymyna daıyndyǵy – 72 paıyz.

Soltústik Qazaqstan oblysynda shamamen bir aıdan keıin jylytý maýsymy bastalady.

Abaı oblysynda jylytý maýsymyna daıyndyq qatań baqylaýǵa alyndy.