Bıyl joǵary oqý ornyndaǵy professorlardyń jalaqysy kóbeıdi – Baný Narbekova

NUR-SULTAN. QazAqparat – Bıyl joǵary oqý oryndaryndaǵy professorlardyń jalaqysy kóbeıdi. Osyndaı qıyn jaǵdaıda oqytýshylardy qoldaý kerek. Bul týraly Ortalyq kommýnıkatsııalar qyzmetinde ótken onlaın brıfıngte BǴM Joǵary jáne joǵary oqý ornynan keıingi bilim departamenti dırektorynyń orynbasary Baný Narbekova aıtty, dep habarlaıdy QazAqparat tilshisi.

«Sessııa qarashadan bastap jeltoqsan aıynyń sońyna deıin júrgiziledi. Mınıstrlik tarapynan júrgizilgen pysyqtaý nátıjesi boıynsha, bizdiń joǵary oqý oryndary sessııa ótkizýge daıyn. Sondaı-aq, biz antıplagıat júıesin qoldanyp otyrmyz. Elimizdegi barlyq joǵary oqý orny osy júıeni paıdalanady», - deıdi BǴM Joǵary jáne joǵary oqý ornynan keıingi bilim departamenti dırektorynyń orynbasary Baný Narbekova.

Onyń aıtýynsha, qashyqtan oqytýdyń dástúrli bilim berýden eshqandaı aıyrmashylyǵy joq

«Biz baǵalaýǵa qatysty ózin-ózi baǵalaý tehnologııasyn engizip otyrmyz. Bir jaǵynan stýdentterdiń ózine senemiz, ekinshiden bul olardyń bilim deńgeıi, oqý úlgerimin baǵalaı bilýge, oqýǵa degen qushtarlyq deńgeıin anyqtaýǵa kómektesedi. Sondaı-aq, bıyl joǵary oqý oryndaryndaǵy professorlardyń jalaqysy kóbeıdi. Osyndaı qıyn jaǵdaıda oqytýshylardy qoldaý kerek»,- deıdi ol.