Bıyl JITS-pen kúres sharalarynyń kóbi onlaın formatta ótti- mamandar
«Jyl saıyn 1 jeltoqsan kúni JITS-pen kúres kúni atalyp ótedi. Ár jyly bul kún ártúrli sıpatta ótedi. Bıyl bul kúnge oraı Qazaqstanda «Jahandyq Yntymaqtastyq. Ortaq jaýapkershilik» atty dúnıejúzilik naýqan ótip jatyr. Pandemııa buqaralyq sharalar ótkizýge shekteý qoıdy. Ádette bul kúni AITV ınfektsııasyna test ótkizý, sanıtarlyq aǵartýshylyq baǵyttaǵy sharalar ótetin. Bıyl bul sharalardyń basym bóligi onlaın formatta ótti. Bul baǵyttaǵy jumystardy uıymdastyrýǵa úkimettik emes uıymdar kóp kómek kórsetti», - deıdi QR DSM Qazaq dermatologııa jáne ınfektsııalyq aýrýlar ǵylymı ortalyǵynyń dırektory Baýyrjan Baıserkın.
Onyń aıtýynsha, JITS-ke qarsý kúres sharalaryna medıtsınalyq uıymdar da atsalysqan.
«Jahandyq JITS-pen kúres qory da medıtsına jumyskerlerin koronavırýs ınfektsııasynan qorǵaıtyn jeke qorǵanys quraldarymen qamtamasyz etýge óz úlesin qosty. Ortalyq Azııadaǵy ıÝNEIDS keńsesi de kómek kórsetip, barlyq aımaqta patsıentterge jáne medıtsınalyq qyzmetshilerge arnap onlaın keńes uıymdastyrdy. Bul kúni osy baǵyttaǵy máselelerge qatysty aqparattyq túsindirý jumystary júrgiziledi. Sońǵy jyldary Qazaqstan DDSU usynǵan barlyq profılaktıkalyq sharalardy júzege asyrýda kóptegen jetistikke jetti. Atalǵan máseleler sheshilgende ǵana Qazaqstan aýmaǵynda JITS-pen aýyrǵan jańa jaǵdaılardy tirkeý toqtaıdy», - deıdi ol.