Bıyl Jetisaıda 78 myń gektar alqapqa egin egiledi

JETІSAI. QazAqparat - Bıyl Túrkistan oblysynyń Jetisaı aýdanynda 78,5 myń gektar jerge aýyl sharýashylyǵy ónimderi egiledi. Onyń basym kópshiligi - maqta daqyly, dep habarlaıdy QazAqparat óńirlik kommýnıkatsııalar qyzmetine silteme jasap.

Bıyl aýdanda 45,1 myń gektar egistik alqapqa maqta dáni sebiledi. Ekinshi basymdyq baqsha daqyldaryna beriledi.

Naqtyraq aıtsaq, bıyl jetisaılyq dıqandar 17 myń gektar jerge qaýyn-qarbyz egýge nıettenip otyr. Budan bólek, aýdanda 3,6 gektarǵa - kókónis, 4,8 gektarǵa - dándik júgeri, 2,7 gektarǵa - mal azyq daqyldary, kartop - 0,2 ga, kúrish - 0,8, mash - 0,2, kúnbaǵys - 0,1 gektarǵa egilmek.

«Qazirgi tańda sharýalar kóktemgi agrotehnıkalyq jáne sor shaıý jumystaryn júrgizip jatyr. Búginniń ózinde aýdan boıynsha 65 593 gektar jer aıdalyp, 43 961 gektar jerge pal alynǵan. Nátıjesinde búgingi tańda sor shaıylǵan jer kólemi 19 295 gektardy qurap otyr. Aýdan sharýalary 1055 gektar alqapqa aqpan aıynan bastap qyryqqabat ekti. Kókónis daqyldaryn egý jumysy jalǵasýda» delingen habarlamada.

Bıyl 45,1 myń gektar alqapqa maqta egý josparlanǵan. Oǵan 1400 tonna maqta tuqymy qajet. Aýdanda maqta tuqymyn daıyndaıtyn kásiporyndarda búgingi tańǵa 1149 tonna shıit daıyndalǵan. Jospar boıynsha maqta tuqymynyń jetispeýshiligi bolmaıdy.