Bıyl jeti aıda Qazaqstanda 7 mln tonnadan astam munaı ónimderi óndirildi
«Bıylǵy jylǵy qańtar-shilde aılarynyń qorytyndysy boıynsha 7,2 mln tonna munaı ónimderi óndirildi, bul kórsetkish ótken jyldyń sáıkes kezeńimen salystyrǵanda 112%-dy quraıdy», - delingen mınıstrlik málimetinde.
Osy oraıda avtobenzın boıynsha kórsetkish 2,7 mln tonna, ıaǵnı, byltyrǵy sáıkes kezeńine 107,3%-dy qurady.
Óndirilgen dızel otynynyń kólemi 2,8 mln tonna, bul 2020 jyldyń jeti aıynyń kórsetkishimen salystyrǵanda 109%-dy kórsetti.
«Áýe otyny boıynsha kórsetkish 323 myń tonnany, ótken jyldyń sáıkes kezeńine 127,7%-dy qurady. Mazýt óndirisine toqtalsaq, onyń kórsetkishi 1,4 mln tonnany qurady, ıaǵnı byltyrdyń sáıkes kezeńine 125% qurap otyr. Sonymen qatar, esepti kezeńde bıtým óndirisi 556 myń tonnaǵa jetti, ótken jyldyń sáıkes kezeńine 102,5 paıyzdy qamtydy. Tutastaı alǵanda, munaıgaz-hımııa ónimderiniń kólemi 84,5 myń tonnany qurady, bul eseptik ezeńniń josparyna 100%-dy quraıdy», - dep atalyp ótken vedomstvo habarlamasynda.