Bıyl jergilikti ózin-ózi basqarýdyń kiristeri artty
«2019 jyly kiristerdiń ósýi jalǵasýda. Aǵymdaǵy jyldyń 9 aıynyń qorytyndysy boıynsha, jergilikti ózin-ózi basqarýdyń óz kiristeri 23,5 mlrd teńgeni qurady. Ótken jyldyń sáıkes kezeńimen salystyrǵanda bul 15 paıyzǵa (3,1 mlrd teńge) artyq», - dedi mınıstri Parlament Májilisindegi Úkimet saǵatynda.
Sonymen qatar, R. Dálenov jergilikti ózin-ózi basqarý shyǵystaryna toqtaldy.
«Tabys ósýiniń arqasynda shyǵystar ósýde. Bul rette, reformanyń ekinshi jylynda aýyldyq okrýgterdiń shyǵys múmkindikteri keńeıdi. 2018 jyly shyǵystar 125 mlrd teńgeni, 2019 jyly – 162 mlrd teńgeni qurady, ıaǵnı shyǵystar 30 paıyzǵa (37 mlrd teńge) ulǵaıǵan. 2018 jyldaǵydaı shyǵystardyń negizgi úlesi mektepke deıingi bilim berýge, ákimshilik shyǵystarǵa jáne abattandyrýǵa tıesili. Bul rette abattandyrýǵa jumsalatyn shyǵystar 56 paıyzǵa (9,57 mlrd teńge), al mektepke deıingi bilim berýge 27 paıyzǵa artty (15 mlrd teńge).
Budan buryn habarlanǵandaı, 2018 jylǵy 1 qańtardan bastap bıýdjettiń IV deńgeıi halyq sany 2 myńnan asatyn 1055 aýyldyq okrýgte engizildi.
Bul qazirgi barlyq aýyldyq okrýgterdiń 44 paıyzyn quraıdy. 2020 jyldan bastap qalǵan 1 338 aýyldyq okrýgte engiziletin bolady.
QR Ulttyq ekonomıka mınıstri Rýslan Dálenov aýyldyq okrýgterdiń óz kiristerin ósirýge áser etken úsh faktordy atady.