Bıyl jem-shóp tapshylyǵy bolmaıdy –mınıstr Qarashókeev

ASTANA. QazAqparat – Aýyl sharýashylyǵy mınıstri Erbol Qarashókeev elimizde jem-shóp daıyndaý josparyna qatysty aıtyp berdi, dep habarlaıdy QazAqparat tilshisi.

«Bıyl mal azyǵy boıynsha tapshylyq bolmaıdy degen pikirdemiz. Jem-shóp óndirýdi damytý baǵytynda arnaıy jol kartasyn qabyldadyq. Osy karta aıasynda jem-shóp daqyldary egilgen egistikter kólemi eki jyl qatarynan ulǵaıyp keledi», - dedi Erbol Qarashókeev Senatta tilshilerdiń suraǵyna jaýap bere otyryp.

Aýyl sharýashylyǵy mınıstri bıyl mal azyǵyn jınaý úshin qolaıly jaǵdaı bar ekenin, fermerler jem-shóp daıarlaýǵa aldyn ala qamdaýy tıis ekenin aıtty.

«Bıyl óńirlerdegi ylǵaldyń deńgeıin qarap shyqtyq, ıaǵnı ortasha jyldyq kórsetkishter saqtalyp otyr. Sondyqtan batys jáne ońtústik óńirlerdegi 2021 jylǵy problemalar qaıtalanbaıdy. Mal sharýashylyǵy salasy ósedi dep josparlap otyrmyz», - dedi vedomstvo basshysy.

Budan buryn habarlanǵandaı, bıyl 1,5 mln gektar sýarmaly jer ıgeriledi.