Bıyl jekeshelendirýdiń keshendi josparyn 90%-ǵa oryndaý qajet - Álıhan Smaıylov

ASTANA. QazAqparat – Úkimet otyrysynda Premer-Mınıstr Álıhan Smaıylov jaýapty organdarǵa jekeshelendirýdiń keshendi josparyn oryndaý boıynsha tapsyrma berdi, dep habarlaıdy QazAqparat tilshisi.

«Ekonomıkalyq saıasattaǵy basymdyqtardyń biri – memlekettiń ekonomıkadaǵy úlesin jalpy ishki ónimniń 14,4%-na deıin birtindep qysqartý. Bıyl 2025-shi jylǵa deıingi jekeshelendirýdiń keshendi josparynyń 90%-ǵa oryndalýyn qamtamasyz etý kerek», - dep tapsyrma júktedi Álıhan Smaıylov.

Sonymen qatar Úkimet otyrysynda Premer-Mınıstr bıyl negizgi kapıtalǵa 18,5 trln teńge ınvestıtsııa tartý qajet ekenin atap ótti. Buǵan qosa, ol mınıstrlikter men ákimdikterge bıznesti qoldaý jáne kásipkerlerdiń máselelerin jedel sheshý boıynsha tapsyrma júktedi.