Bıyl jazda 300 myńǵa jýyq bala lagerde tegin demalady
15:18, 30 Mamyr 2019
NUR-SULTAN. QazAqparat - Balalar quqyqtaryn qorǵaý komıtetiniń tóraǵasy Erjan Ersaıynov balalardyń jazǵy demalysyn uıymdastyrýǵa qansha qarjy bólinetinin aıtty, dep habarlaıdy QazAqparat tilshisi.
«Halyqtyń áleýmettik osal toptarynan shyqqan balalardyń jazǵy demalysy men saýyqtyrylýyna qarjylaı jáne materıaldyq kómek kórsetýge jergilikti bıýdjetten 3 mlrd 873 mln 417 myń teńge bólindi», - deıdi komıtet tóraǵasy.
Sondaı-aq, Erjan Ersaıynov mundaı basymdyq oqýda úzdik nátıje kórsetken oqýshylar men daryndy balalarǵa, respýblıkalyq jáne halyqaralyq olımpıadalardyń jeńimpazdaryna da beriletinin sóz etti.
«Jalpy, bul jazda tegin demalyspen kópbalaly nemese turmysy tómen otbasylarda tárbıelenip jatqan 290 myńnan astam balany qamtý josparlanǵan», - dedi Erjan Ersaıynov.