Bıyl Jambyl oblysyna tartylǵan ınvestıtsııa kólemi 7,4%-ǵa ósti - Nurjan Nurjigitov
«Bıylǵy jyldyń esepti kezeńinde óńirge 89,1 mlrd teńge ınvestıtsııa tartylyp, ósim 7,4%-dy qurady. Jalpy, aǵymdaǵy jyly óńirge 572 mlrd teńge ınvestıtsııa tartýdy kózdep otyrmyz. Sonymen qatar, aǵymdaǵy jyly 85,4 mlrd teńgege 491 jumys ornyn quraıtyn 21 ınvestıtsııalyq joba iske asyrylady dep kútilýde», - dedi Jambyl oblysynyń ákimi Nurjan Nurjigitov.
Onyń sózinshe, 2025 jylǵa deıin quny 1 trln 900 mlrd teńge bolatyn 60 ınvestıtsııalyq jobany júzege asyrý josparlanǵan. Onyń nátıdesinde 4 myń jumys ornyn qurylmaq.
«Óńirde bul jumystar júıelengen. Apta saıyn ózimniń tóraǵalyǵymmen ınvestıtsııalyq shtab otyrysy ótkizilip turady. Osy jumystardyń nátıjesinde búginge deıin ótken 32 shtab otyrysynda 84, onyń ishinde 21-i sheteldik ınvestıtsııalyq jobalar qaralyp, 69 mlrd. teńge ınvestıtsııa tartyldy. Sonymen qatar, ótken aıdyń 26-27 sáýir kúnderi «ZHEIF-2023» halyqaralyq ekonomıkalyq jáne ınvestıtsııalyq forýmyn ótkizdik. Forým aıasynda otandyq kompanııalar men sheteldik ınvestorlar arasynda - 17, onyń ishinde sheteldik 5 iri kompanııamen 700 mln dollar, 12 kompanııamen 96,5 mln dollar kelisimder men memorandýmdarǵa qol qoıyldy. Forým sheńberinde birqatar sheteldik jáne otandyq ınvestorlarmen kezdesip, elektr energııasy boıynsha - 3, ınfraqurylym tartý - 4, jer máselesi - 5 jáne gaz tartý boıynsha 2 joba oń sheshimin tapty», - dep óńirdiń áleýmettik-ekonomıkalyq damý kórsetkishterin baıandady oblys ákimi Nurjan Nurjigitov.