Bıyl veterınarlardyń aılyǵy ishinara kóteriledi

ASTANA. QazAqparat – Aýyl sharýashylyǵy vıtse-mınıstri Ábilhaıyr Tamabek vedomstvonyń keńeıtilgen alqa májilisinde bıyl qaı sanattaǵy veterınarlardyń aılyǵy ósetinin aıtty, dep habarlaıdy QazAqparat tilshisi.

«Byltyr veterınarııa mamandarynyń jalaqysy respýblıka boıynsha ortasha eseppen 50,3% ósti. Osy jyldan bastap zańnama sheńberinde patogendigi I jáne II toptardaǵy bıologııalyq agentterimen jumys istegeni úshin 35% jáne 50% mólsherinde qosymsha tólemder jáne eki laýazymdyq aılyqaqy mólsherinde saýyqtyrý úshin járdemaqy tólenetin bolady», - dedi vıtse-mınıstr.

Sondaı-aq, Ábilhaıyr Tamabek veterınarııa júıesin tsıfrlyq formatqa kóshirý boıynsha jumys júrip jatqanyn eske saldy.

«Bul veterınarııalyq qyzmetkerlerdi qaǵazbastylyqtan bosatýǵa, aqparat berý protsesin avtomattandyrýǵa jáne janýarlardy esepke alýdy, epızootııalyq ahýal men mal sharýashylyǵy ónimderiniń qaýipsizdigin monıtorıngteýdi júzege asyrýǵa múmkindik beredi», - dedi ol.