Bıyl úkimettik emes uıymdarǵa 95,4 mln teńge syıaqy berilgen
Komıtet basshysynyń aıtýyna qaraǵanda qazirgi tańda úkimettik emes uıymdardy memlekettik qarjylaı qoldaýdyń úsh negizgi baǵyty bar:
«Memlekettik áleýmettik tapsyrys – 2005 jyldan bastap iske asyrylyp kele jatqan memleket pen ÚEU ózara is-qımylynyń áleýmettik jobalardy iske asyrýdaǵy tıimdi tetikteriniń biri. Bul rette qarjylandyrý kólemi sońǵy 5 jylda 20% artty», - dedi Madııar Qojahmet.
Onyń málimetinshe, jyl saıyn áleýmettik mańyzy bar baǵyttar boıynsha orta eseppen 2 myńǵa jýyq joba iske asyp keledi.
«2017 jyldan bastap ÚEU-ǵa respýblıkalyq, salalyq jáne óńirlik deńgeılerdegi áleýmettik mindetterdi sheshýge qosqan úlesi úshin syıaqy berilip jatyr. Bıyl jalpy somasy 95,4 mln teńgege 14 baǵyt boıynsha 54 ÚEU-ǵa syıaqy berildi. Úkimettik emes uıymdarǵa arnalǵan grant – áleýmettik salany damytýdyń ózekti máselelerin sheshýge uıymdardyń áleýetin tartý maqsatynda beriletin qarajat. Ol qarajat Azamattyq bastamalardy qoldaý ortalyǵy arqyly úlestiriledi», - dedi Madııar Qojahmet.