Bıyl úgit-nasıhat toby buqara halyqtyń ortasynda júrdi – sarapshy
«Bıylǵy kóptegen boljam boıynsha bıylǵy saılaýaldy úgit-nasıhat jumystary onlaın alańda bolýy kerek edi. Qazaqstanda 18 mıllıon turǵyn bolsa, 26 mıllıon sım-karta bar eken. Internetke qoljetimdi halyq sany – 14 mıllıon. Statıstıkaǵa salar bolsaq, halyq onlaın saılaýǵa da daıyn. Saılaýǵa qatysqan partııalar onlaın úgit-nasıhatqa 35-40% kóńil bólse, qalǵan úgit-nasıhatty aımaqta júrgizdi. Onlaın júrgizýge múmkindikteri bola tura halyqtyń ortasyna baryp júrgizgenderi unady. Birinshi ret aımaqtyq debat uıymdastyryldy. Bul – úlken jetistik», - deıdi jýrnalıst, trevel bloger Órken Kenjebek.
Sondaı-aq, ol bir aılyq úgit-nasıhat naýqanynda áleýmettik jelilerde kúlkige qalatyndaı eshqandaı jaǵdaı bolǵan joq ekenin aıtty.
«Bes partııada áleýmettik jelilerde saıasatyn durys júrgizdi jáne bári de «Kúshti aımaq – kúshti el» degen kontseptsııany usyndy. Maǵan osy unady. Buryn úgit-nasıhat naýqanynda partııalar úlken zaýyt-fabrıkalardy aralasa, osy joly bazarlardy, qurylys oryndaryna baryp, buqara halyqtyń ortasynda bolyp, máselelerin tyńdap, qorytyndy shyǵardy. Keı partııa aýdan, aýyldarǵa baryp, birinshi ret jyldyq bıýdjetti túsindirip berdi. Bıylǵy saılaýdyń osy erekshelikteri meniń kóńilimnen shyqty», - deıdi ol.
Eske sala ketsek, buǵan deıin Sailau Talks-2021 sarapshylary ótip jatqan saılaýdyń mańyzdylyǵy talqylaıtynyn jazǵan bolatynyz.
Іs-sharany Qazaqstan saıası ǵylymdar qaýymdastyǵy «QazAqparat» Halyqaralyq aqparat agenttiginiń qoldaýymen uıymdastyryp otyr.