Bıyl UBT tapsyrýshylardyń 76 paıyzy qazaq tilin tańdaǵan

NUR-SULTAN. QazAqparat – Bıylǵy UBT qorytyndysy boıynsha talapkerlerdiń 76 paıyzy qazaq tilinde test tapsyrǵan,dep habarlaıdy QazAqparat tilshisi.

Bul týraly Ǵylym jáne joǵary biliim mınıstrligi Joǵary jáne joǵary oqý ornynan keıingi bilim departamentiniń dırektory Gúljan Jarasova ortalyq kommýnıkatsııalar qyzmetinde ótken brıfıngte aıtty.

«5 shilde kúni negizgi Ulttyq biryńǵaı testileý aıaqtaldy. UBT bıyl da 43 testileý ortalyǵynda «1 kompıýter-2 kamera-1 talapker» qaǵıdaty boıynsha elektrondy formatta ótti. Bıyl da UBT tapsyrýǵa eki ret múmkindik berildi. Eki múmkindikte de talapkerler bir beıindik pánder kombınatsııasyn tańdady», - dedi vedomstvo ókili.

Aıtýynsha, jalpy negizgi Ulttyq biryńǵaı testileýge qatysý úshin 290 myńnan astam ótinish túsken. Onyń ishinde 160 myńy birinshi múmkindikti paıdalanýǵa, 130 myńy ekinshi múmkindikti paıdalanýǵa arnalǵan.

«UBT qorytyndysy boıynsha 154 myń talapker eki múmkindikti de eseptegende 276 myń ret test tapsyrdy.

Testi tapsyrý tiline kelsek, túlekterdiń 76 paıyzǵa jýyǵy qazaq tilinde, 24 paıyzy orys tilinde, 213 bala aǵylshyn tilinde bilimderin synady. Testileý 5 pán boıynsha júrgizildi. Jalpy suraqtardyń sany – 120. Testileý uzaqtyǵy 4 saǵat nemese 240 mıýntqa sozyldy», - dedi Gúljan Jarasova.

Eske salsaq, buǵan deıin UBT-ǵa shpargalka, telefon alyp kirgen oqýshylar test tapsyrý múmkindiginen aıyrylǵanyn habarlanǵanbyz.