Bıyl UBT erejesin buzǵan talapkerler granttan óz erkimen bas tartty

NUR-SULTAN. QazAqparat - Bıyl Ulttyq biryńǵaı testileý erejesin buzǵan talapkerler memlekettik bilim berý granttarynan óz erkimen bas tartty. Bul týraly búgin «Adal bilim» jemqorlyqqa qarsy is-qımyl jobalyq keńsesiniń ákimshisi Sergeı Pen aıtty, dep habarlaıdy QazAqparat tilshisi.

«2020 jyly ótken jylmen salystyrǵanda Ulttyq biryńǵaı testileý kezinde tyıym salynǵan zattar 70 ese az alyndy. Degenmen, is júzinde árbir jaǵdaı boıynsha nátıjeni joıýǵa qatysty qabyldanǵan shara 100 ese kóp boldy», - dedi ol mınıstrliktiń apparat jınalysynda.

Osy oraıda «Adal bilim» jemqorlyqqa qarsy is-qımyl jobalyq keńsesiniń ákimshisi naqty tsıfrlardy alǵa tartty.

«Aıtalyq, ótken jyly mundaı 24, al bıyl 2,5 myń jaǵdaı tirkeldi. ıAǵnı, vıdeo jazbalardy qaraǵannan keıin osynsha talapkerdiń nátıjesi UBT erejesin buzǵany úshin joıyldy. Bul «eger seni UBT kezinde qolyńnan ustap almasa da, vıdeo jazbalardy zerdelegennen keıin báribir jaýap beresiń» degen jaqsy belgi boldy. Munyń zor tárbıelik máni bolǵanyn da baıqadyq. Óıtkeni, eskertý alǵan balalar granttar aıyrý týraly resmı sheshimdi kútpesten odan óz erkimen bas tartty», - dedi Sergeı Pen.